Կորպորատիվ բլոգները Հայաստանում

Կորպորատիվ բլոգը սովորական բլոգից տարբերվում է նրանով, որ այստեղ գրառում են ոչ թե անհատները, այլ տվյալ կազմակերպության աշխատակիցները:  Այս  բլոգների նպատակը  իրենց լսարաններին սպառիչ ինֆորմացիայի հաղորդելն է: Այսօր <կորպորատիվ բլոգ> անվան տակ շատ են հանդիպում պաշտոնական  կամ պարզապես կազմակերպության մասին նորություններ հաղորդող էջեր: Այս երևույթի պատճառն այն է, որ շատ կազմակերպություններ ցանկանում են ունենալ իրենց կորպորատիվ բլոգը առանց հստակ պատկերացում ուենալու դրա մասին:

            Եթե կորպորատիվ բլոգը հաջող է ստեղծված, այն կարող է լինել նաև PR կատարել կազմակերպության համար: Կորպորատիվ բլոգները կարող են լինել ֆիրմայի ներկայացուցիչների բլոգներ՝ դրված  ֆիրմայի կայքի վրա: Հայաստանում նման կորպորատիվ բլոգի օրինակ է <Բանաձևի> բլոգը http://blog.banadzev.com/ ,   որտեղ  գրառում են 20 թիմակից, ընդ որում երկուսը ԱՄՆ-ից, երկուսը Ռուսաստանից, մեկը Վրաստանից:  Բլոգը գլխավորում է Արտակ Ալեքսանյանը:

     Բլոգն ունի 8 բաժին: <Մեր մասին> բաժնում ասվում է, որ այստեղ թիմակիցները կարող են անվերջ խոսել՝ խելացի թեմաներից մինչև աբսուրդի հասնող բանավեճեր: Բայց, ուսումնասիրելով բլոգը, կարող եմ ասել, որ նյութերի տակ արված մեկնաբանությունները մեծամասամբ կարծիք են արտահայտում և բանավեճեր չեն առաջացնում: Ակտիվ գրառում կատարողները հիմնականում նույն մարդիկ են: Բլոգն ակտիվ գրառումներ են կատարվել գրեթե 1 տարի (ստեղծվել է 2010-ին):  Սա նշանակում է, որ բլոգերներն ակտիվ են եղել միայն մի որոշ ժամանակ: Գրեթե մեկ տարի է՝ բլոգում նոր գրառումներ  չկան: Նշեմ նաև, որ բլոգը վերջին անգամ թարմացվել է 2011 թ.  հուլիսի 22-ին, կան բաժիններ էլ, որոնք թարմացվել են 2010 թ. վերջին: Փոխարենն ակտիվ է <Բանաձևի> youtube էջը, որի հղումը դրված է բլոգում:

            Կորպորատիվ բլոգի բավականին հաջող օրինակ է <Ռադիո Վանի> բլոգը http://www.radiovan.am/contacts/ :  Սա միայն on-line ռադիո չէ:  Բլոգում գրառող անձնակազմը կազմված է 15 հոգուց: <Բլոգեր> բաժինը, որտեղ գրառում են 10 հոգի, ամեն օր թարմացվում է:


Բլոգում կարելի  է գտնել ինֆորմացիա ռադիո Վանի  նախագծերի մասին: Բլոգն ունի նաև վիդեո և ֆոտո շարքեր:

            Ինչ վերաբերում է լսարանին, ապա կարող եմ ասել, որ <Ռադիո Վանը> հիմնականում աշխատում է երիտասարդ լսարանի համար:  Ռադիո Վանը պատրաստում և մատուցում է   ճաշակով երաժշտություն ու ծրագրեր: Եթերի մեծ մասը հատկացված է <Նորությունների թողարկաման 200 վայրկյան> ծրագրին:   Ռադիո Վանի ունկընդիրները բավականին շատ են: Կարծում եմ՝ սրան բավականին նպաստում է այն, որ կորպորատիվ բլոգը նաև տեղ է հատկացնում իր ունկընդիրներին: Սա էլ, իր հերթին, նպաստում է ինտերակտիվությանը:  

Յուրաքանչյուր բլոգ հաջողության հասնելու համար պիտի կապ պահպանի իր լսարանի հետ: Արդյունքում ձևավորվում են ընթերցողների խմբեր, ու հստակ պատկերացում է կազմվում  լսարանի մասին: Սա նաև նպաստում է փիառին:

Վերը նշված երկու կորպորատիվ բլոգներից, կարծում եմ, ավելի լավ է աշխատում և ավելի մեծ լսարան ունի  <Ռադիո Վանի> բլոգը: Այն պարբերաբար թարմացվում է և միշտ պահպանում է կապը լսարանի հետ:  Ինչ վերաբերում է <Բանաձևի> բլոգին, ապա կարծում եմ, որ վերջերս այն ավելի շատ ձևական բնույթ է կրում, քանի որ գրառումները չեն թարմացվում, բայց ինչպես արդեն վերևում նշել եմ, ակտիվ <Բանաձևն> ակտիվ է youtube-ում, որին հղում է տրված բլոգում:

Ինչևէ,  Հայաստանում կորպորատիվ բլոգների մասին վերապաումով պիտի խոսել: Շատ լրատվամիջոցներ այժմ բացում են իրենց բլոգները և դրանք անվանում կորպորատիվ,  մինչդեռ բլոգում գրառում են 2, լավագույն դեպքում 3 հոգի:

Խոսելով կլորպորատիվ բլոգների առանձնահատկությունների մասին՝ նշեմ, որ լրատվամիջոցների կորպորատիվ բլոգներն այստեղ ունեն մեծ առավելություն, այն է՝ այստեղ լրագրողները կարող են լինել  ավելի ազատ և հանգիստ  արտահայտել ցանկացած տեսակետ: Բայց պիտի նշեմ նաև, որ շատ լրատվամիջոցների բլոգներ պահանջում են գրել որոշակի պարբերականությամբ, ինչը, կարծում եմ, միայն մի որոշ ժամանակ է աշխատում: Ի վերջո լրագրող-բլոգերները դադարում են գրառումներ անելուց ինչպես <Բանաձևի> դեպքում: